सातारा,(भूमिशिल्प वृत्तसेवा): सातारा तालुक्यातील स्थानिक स्वराज्य सस्थांच्या झालेल्या निवडणुकीत भरतगाववाडी ता.सातारा गावची ग्रामपंचायत चौथी वेळ बिनविरोध करण्यात आली.
मा. खा. श्रीमंत छ.उदयनराजे भोसले आणि सातारा जावली विधानसभा मतदार संघाचे आ.श्रीमंत छ.शिवेंद्रसिंहराजे भोसले यांचे विचार जोपासणारी भरतगाववाडी गावचे ग्रामस्थ आहेत. भरतगाववाडीचे गावचे सुपुत्र तथा सातारा जिल्हा परिषदेचे माजी शिक्षण व अर्थ सभापती मा.सुनील काटकर (तात्या) तसेच गावचे सुपुत्र ऑ. कॅप्टन श्री.पोपटरावं पडवळ (भाऊ) यांचे मार्गदर्शनाखाली तसेच सातारा पंचायत समितीचे माजी उपसभापती श्री. सूर्यकांत पडवळ, तसेच भरतगाववाडीचे माजी उपसरपंच यशवंत ढाणे, साहेबराव पवार, प्रल्हाद गुलगे, गणेश पडवळ सर, आनंदरावं बर्गे आणि जयवंत बागल यांचे प्रमुख उपस्थितीत ग्रामदैवत श्री गणेश मूर्तीस वदंन करून श्री गजानन भंडारा कार्यक्रमाची परंपरा कायम राखत गावातील सर्व नागरिकांना सोबत घेऊन ग्रामदैवत श्री गणेशाच्या पावन मंदिरात गावची एकी अबाधित राखत गावच्या विकासकामाकडे लक्ष केंद्रित करून अत्यंत खेळीमेळीचे वातावरणात संपन्न झालेल्या बैठकीत यंदाची ग्रामपंचायत ४ थी वेळ बिनविरोध करण्यात आली. कार्यक्रमाचे सूत्रसंचालन जयवंत बागलं यांनी केले. यामध्ये सुरुवातीस गावचे सुपुत्र शरद काटकर यांची महाराष्ट्र राज्य पत्रकार संघाचे उपाध्यक्ष पदी निवड झालेबद्दल आणि सोसायटीचे तज्ञ संचालक म्हणून बबनराव चव्हाण तसेच भानुदास तोडकर सर यांची निवड झाले बद्दल त्यांचा ग्रामस्थांचे वतीने त्यांचा सत्कार करण्यात आला. यांनतर नवनिर्वाचित तथा लोकनियुक्त सरपंच म्हणून सौ.उर्मिला शशिकांत पडवळ, तसेच श्री.सचिन सोपान पवार यांची उपसरपंच पदी निवड करण्यात आली. तसेच यामध्ये श्री.राजेंद्र निवृत्ती चव्हाण, श्री.जनार्दन कुंडलिक घाडगे, श्री.तेजस दशरथ जगताप, सौ.बबिता अंकुश चव्हाण, सौ. सुनीता विक्रम तोडकर, सौ.शांता अशोक बर्गे, सौ.मीना सुनील ढाणे, सौ.वंदना अमृत मोहिते यांची सदस्यपदी बिनविरोध निवड करण्यात आली. निवडणूक निर्णय अधिकारी म्हणून श्रीमती सोनल झोरे, सहाय्यक निवडणूक निर्णय अधिकारी संजय यादव , ग्रामसेवक कल्पना घनवट यांनी काम पाहिले.
त्यावेळी माजी सरपंच शशिकांत पडवळ, सुरेश चव्हाण, सोसायटीचे विद्यमान चेअरमन आनंदरावं बर्गे, व्हा.चेअरमन अशोक जगताप, शरद इंगळे, माजी सैनिक सुरेश घाडगे, सहा.जिल्हा सैनिक कल्याण अधिकारी विलासराव घाडगे, विनायक मोहिते, माजी शिक्षणाधिकारी विश्वासराव फडतरे, कृष्णत बर्गे, माजी सरपंच दीपक शिंदे, माजी उपसरपंच प्रदीप काटकर, संपतराव मोहिते, तंटामुक्तीचे चंद्रकांत काटकर, महेश ढाणे, संदीप पवार, प्रकाश घोरपडे, सतीश घाडगे, प्रकाश कणसे उपस्थित होते.
नवनिर्वाचित सरपंच उपसरपंच तसेच सर्व सदस्य यांचे खा.श्रीमंत छ.उदयनराजे भोसले, आ.श्रीमंत छ.शिवेंद्रसिंहराजे भोसले, जिल्हा परिषदेचे माजी शिक्षण व अर्थ सभापती सुनील काटकर, पंचायत समितीचे माजी उपसभापती सूर्यकांत पडवळ, तसेच यशवंत ढाणे, साहेबराव पवार, पोपटरावं पडवळ, न्यायमूर्ती विश्वासराव मोहिते यांनी अभिनंदन केले. तसेच नेहरू युवा मंडळ, न्यू ग्राम विकास मंडळ मुंबई, हर्क्यूलस क्रीडा मंडळ तसेच गणेश झांजपथक मंडळाचे सर्व पदाधिकारी तसेच सदस्य यांनी नवनिर्वाचित सरपंच, उपसरपंच तसेच सर्व सदस्यांचे स्वागत करून त्यांना पुढील वाटचालीस हार्दिक हार्दिक शुभेच्छा दिल्या. कार्यक्रमाचे आभार प्रदर्शन गणेश घाडगे यांनी केले.
You must be logged in to post a comment.