सातारा, (भूमिशिल्प वृत्तसेवा) : आज सातारा जिल्ह्यातील 357 केंद्रातून 52,425 लोकांचे लसीकरण करण्यात आले. एकाच दिवशी एवढे लसीकरण करण्याचा हा सातारा जिल्ह्यातला उच्चांकी आकडा आहे.
सातारा जिल्ह्यातील कोरोना संक्रमन गेली अनेक महिने सुरु आहे. जानेवारी पासून जिल्ह्यातील कोरोना संसर्ग रोखण्यासाठी लसीकरण सुरु आहे. जिल्हा प्रशासनाने आज पर्यंत लसीच्या पुरवठाया प्रमाणे लसीकरण केले असून आज पर्यंत 10 लाख 23 हजार 834 लोकांना पाहिला डोस तर 4 लाख 39 हजार 87 लोकांना दुसरा डोस दिला आहे. राज्यात सर्वाधिक लसीकरण झालेल्या जिल्ह्यात सातारा जिल्हा वरच्या स्थानी आहे.
आज पहिल्यांदा जिल्ह्यातील 357 केंद्रातून तब्बल 52 हजार 425 नागरिकांना लस देण्यात आली. हा आज पर्यंतचा उच्चांक असून या कार्यासाठी जिल्हा परिषद आरोग्य विभाग, जिल्हा रुग्णालय, जिल्हा उपरुग्णालय,ग्रामीण रुग्णालय इथे काम करणारे सर्व आरोग्य कर्मचाऱ्यांच्या या कार्याचे जिल्हाधिकारी शेखर सिंह आणि मुख्य कार्यकारी अधिकारी विनय गौडा यांनी कौतुक केले आहे. या कामी झटत असलेल्या सर्व यंत्रणांचे दोघांनी अभिनंदन करून असंच काम करून जिल्हा कोरोनामुक्त करण्याचा संकल्प करण्याचे आवाहन केले आहे.
You must be logged in to post a comment.