कातरखटाव-पळसगाव रस्त्यावर कार अपघातात एक ; चार जखमी

सातारा, (भूमीशिल्प वृत्तसेवा) : खटाव तालुक्यातील कातरखटाव-पळसगाव मार्गावरील खड्ड्यामुळे कार पलटी झाली. या अपघातात एकाचा मृत्यू झाला असून चौघेजण जखमी झाले. हा अपघात दुपारी तीनच्या सुमारास घडली. विठ्ठल गणपत जाधव असे मृत्यू झालेल्या व्यक्तीचे नाव आहे.

याबाबत माहिती अशी की, गुरसाळे ता. खटाव येथील कार (एमएच ४३ बीएन ७५०३) ही चारचाकी पळसगावकडून कातरखटावकडे येत असताना चालकाचा अचानक ताबा सुटल्याने चारचाकी खड्यात जावून पलटी झाली. यामध्ये दीपक विठ्ठल जाधव, सुशीला विठ्ठल जाधव, सचिन जाधव, विठ्ठल गणपत जाधव हे प्रवास करीत होते. जखमींपैकी विठ्ठल गणपत जाधव यांचा उपचारादरम्यान मृत्यू झाला आहे