सातार्‍यासह संपूर्ण महाराष्ट्रातील सलून आणि ब्युटी पार्लरची दुकाने बंद असल्याने नाभिक समाजाच्या कुटुंबांवर उपासमारीची वेळ आली आहे. जिल्ह्यातील 1 हजार 12 कुटुंबांना तर खायलाही नाही अशी परिस्थिती आहे. त्यामुळे सरकारने सर्व सलून आणि ब्युटी पार्लरची दुकाने सुरू करण्यास परवानगी द्यावी अन्यथा प्रत्येक कुटुंबास दरमहा 5 हजार याप्रमाणे तीन महिन्यांचे 15 हजार रुपये असे आर्थिक पॅकेज जाहीर करावे, अशी मागणी या आंदोलना दरम्यान करण्यात आली. या आंदोलनाची दखल घेतली न गेल्यास आम्ही अन्नत्याग किंवा जलसमाधीचा मार्ग पत्करू, असा इशारा जिल्हाध्यक्ष विजय सपकाळ यांनी यावेळी दिला. या आंदोलनात नाभिक समाजातील अनेकांनी सहभाग घेतला.
You must be logged in to post a comment.