शिवसेना सातारा उपशहरप्रमुखपदी अभिजित सकपाळ यांची निवड

सातारा, (भूमिशिल्प वृत्तसेवा) : सातारा उपशहरप्रमुख पदी अभिजित सकपाळ यांची नियुक्ती करण्यात आली. सातारा येथे शिवसेना शहर कार्यालय येथे शिवसेना उपनेते नितीन बानुगडे पाटील यांच्या हस्ते त्यांना नियुक्ती पत्र देण्यात आले. याप्रसंगी जिल्हा प्रमुख यशवंत घाडगे, उपजिल्हाप्रमुख सचिन मोहिते, सातारा शहरप्रमुख निलेश मोरे, माण-खटाव संपर्कप्रमुख शंकर वीरकर, यांच्यासह शहरातील शिवसैनिक मोठ्या संख्येने उपस्थित होते.

सातारा नगरपालिकेच्या येऊ घातलेल्या निवडणूकीच्या दृष्टीकोनातून शिवसेना सातारा शहर संघटन बांधणी केली जात आहे. शहरातील अनेक कार्यकर्ते सध्या पक्षाच्या संपर्कात असून संघटनेत महत्वपूर्ण बदल करण्यात येत आहेत. सातारा नगरपालिकेत सत्ता प्रस्थापित करण्यासाठी नव्या जुन्या कार्यकर्त्यांना एकत्र करून शहरात पक्ष सक्षम करण्यासाठी प्रयत्न करणार असल्याचे अभिजित सकपाळ सांगितले.