श्री छत्रपती शिवाजी महाराज वस्तू संग्रहालयात सुरू असलेल्या कामाची पाहणी केल्यानंतर ते बोलत होते. यावेळी त्यांच्या समवेत आ. शिवेंद्रसिंहराजे भोसले, जिल्हाधिकारी शेखर सिंह, प्रांताधिकारी मिनाज मुल्ला, अधिक्षक अभियंता शरद राजभोज, कार्यकारी अभियंता शंकर दराडे तसेच या संग्रहालयाचे पुरातत्त्व विभागाचे सहायक अभिरक्षक अभिरक्षक उदय सुर्वे, संग्रहालयाचे वास्तू विशारद विजय गजबर उपस्थित होते.
या वस्तू संग्रहालयात तळमजला व पहिल्या मजल्यावर वस्तू संग्रहालयाच्या प्रदर्शनासाठी मोठमोठी दालने, वरांडे, कार्यालयीन जागा, इमारतीच्या पूर्व भागातील तळघरात पार्किंगची व सभागृहाची सोय केलेली आहे. या सर्व बाबी जाणून घेऊन पालकमंत्री बाळासाहेब पाटील यांनी त्यात काही आवश्यक बदलही सुचवले. यावेळी आ. शिवेंद्रसिंहराजे भोसले यांनीही काही बदलाविषयी सूचना केल्या.
पर्यटकांच्या बसेससाठी पार्किंगची व्यवस्था, स्वच्छतागृह तसेच तिकीट घर बसस्थानकाच्या बाजूच्या रस्त्यालगत करण्यात आले असून पर्यटकांसाठी प्रवेशद्वारही त्याच बाजूला असणार आहे. याचे सर्व बांधकाम युद्धपातळीवर सुरु असल्याची माहिती राजभोज यांनी दिली. याठिकाणी शिवकाल उभा करण्यासाठी संपूर्ण अभ्यास करण्यात आला असून महाराजांच्या आरमारापासून शस्त्रास्त्रे, नाणे इथपर्यंतची माहिती विविध रूपात दाखविण्यात येणार असल्याचे गजबर यांनी यावेळी सांगितले.
You must be logged in to post a comment.